На 117 години имала многу помлади клетки и цревна флора како на бебе: Научниците ја откриле тајната на долговечноста на Марија
Марија Брањас Морера беше најстарата личност на светот пред да почине во Шпанија минатиот август. Таа претходно изјави дека нејзините 117 години се должат на „среќата и добрата генетика“. Последното истражување покажа дека таа била во право.
Препорачано
Студијата за микробиомот и ДНК на старицата, започната додека таа била жива, покажала дека гените што ги наследила им дозволуваат на нејзините клетки да се чувствуваат и да се однесуваат како да се 17 години помлади отколку што всушност се, пишува „Гардијан“.
Woman who lived to age 117 had genes keeping her cells ‘younger’, study shows
Maria Branyas Morera, US-born supercentenarian who died in Spain last August, found to have microbiota of an infant https://t.co/myNw2h3sFD pic.twitter.com/mOKrq8msPc
— Evan Kirstel #B2B #TechFluencer (@EvanKirstel) March 13, 2025
Микробиотата, цревната флора или главно бактериите во цревата кои играат улога во одржувањето на нивното здравје, делувале како кај бебе, според истражувањето предводено од Манел Естелер, професор по генетика на Универзитетот во Барселона.
Истражувачкиот тим открил дека таа била свесна до самиот крај на својот живот и дека во подоцнежните години страдала само од болки во зглобовите и губење на слухот.
Ова е најсеопфатната студија за телата на луѓе постари од 110 години и може да понуди одредено објаснување за нивната долговечност.
Истражувачите нагласуваат дека водела здрав живот – следела медитеранска исхрана со три јогурти дневно, избегнувала алкохол и цигари, уживала во прошетки и секогаш била во друштво со своите најблиски. Сето ова придонесе да се забави и физичкиот и менталниот пад, нагласија тие.
Марија Брањас Морера е родена во Сан Франциско на 4 март 1907 година, од родители кои потекнуваат од Шпанија и Мексико. Поминала некое време во Тексас и Њу Орлеанс, но семејството се вратило во Шпанија во 1915 година. Таа преживеа време обележано со две светски војни, Шпанската граѓанска војна, пандемијата на шпански грип и пандемијата Ковид-19. Таа самата се зарази со Ковид-19 во 2020 година, но имаше асимптоматски случај и лесно закрепна.
Најстарата личност на светот стана во јануари 2023 година , кога на 118-годишна возраст почина француската калуѓерка Лусил Рандон.
