Еврејската заедница во Македонија на 11 март ќе одбележи 82 години од холокаустот на македонските Евреи.

Според најавата, централната комеморативна активност ќе се одржи во Скопје, со полагање цвеќе пред Споменикот на 7.144 депортирани македонски Евреи, во скопски Монопол. Потоа продолжува на градските гробишта Бутел, каде ќе се положи цвеќе пред Споменикот на депортираните Евреи.

Претходно, на 9 март во Битола предвидена е посета на Еврејските гробишта – Кадиш, комеморативна програма што ќе се одржи во просториите на Општината, како и полагање цвеќе пред споменикот на жртвите на холокаустот од Битола во Здравствен дом „д-р Хаим Абраванел“. Од Здравствениот дом ќе започне и поворка на живите, преку Широк сокак до железничката станица.

На 10 март, во Штип ќе се одржи комеморативна програма, поворка на живите која ќе започне од просториите на Општината до споменикот на депортираните Евреи од Штип. Потоа, како што е најавено, ќе се положи цвеќе пред Споменикот на депортираните Евреи.