Министерството за внатрешни работи денеска се огласи околу вчерашниот тежок инцидент во скопската населба Карпош 4, каде две групи се степале по сообраќајна несреќа во која со автомобил било удрено и повредено 16-годишно момче.

„На 28.06.2023 во 19.53 часот било пријавено дека на паркинг пред трговски центар на подрачјето на Карпош, по претходна расправија околу случена сообраќајна незгода во која патничко возило удрило во 16-годишен пешак, кој се здобил со телесни повреди, дошло до нарушување на јавниот ред и мир со физичка пресметка помеѓу М.Г.(28) и Б.Е.(27), од една страна, и Х.Ј.(21) и Р.И.(49), од друга страна, сите од Скопје“, велат од полицијата.

Се преземаат мерки за расчистување на случајот, кој предизвика силно полициско присуство во населбата вчеравечер, како и вознемиреност кај граѓаните .

ФОТО: Голема „гужва“ во Карпош 4 вечерва, наводно избила тепачка откако автомобил прегазил дете