Фото: Инстаграм/„Сузи Кју“ продукција

Музиката на Дуке Бојаџиев за филмот „Шеќерни луѓе“ наградена на фестивал во Чикаго

Македонскиот композитор Дуке Бојаџиев ја доби наградата „Најдобра музика во краток филм“ на фестивалот за краткометражни филмови „Чикаго шортс“ во САД за неговата музика за краткометражниот филм „Шеќерни луѓе“ во режија на Сузана Диневски.

Патем, ова е седма награда за филмот „Шеќерни луѓе“. Претходно, актерката Сара Климоска ја доби наградата „Најдобра актерка“ на филмскиот фестивал „Киц Берлин“ во Германија и на филмскиот фестивал „Реале“ во Италија.

Актерот Филип Трајковиќ ја доби наградата „Најдобар актер“ на наградите „Арт филм спирит“. Исто така, филмот досега ги има освоено и наградите за „Најдобра оригинална музика“ (композитор Дуке Бојаџиев) на филмскиот фестивал „СинеПариз“ во Франција и за „Најдобар постер“ (дизајнер Коста Лазаревски) на филмскиот фестивал „Торонто вомен“ во Канада.

Краткометражниот игран филм „Шеќерни луѓе“, кој е реализиран со поддршка на Агенцијата за филм и „Сузи Кју продукција“, исто така е во селекција на 20 меѓународни фестивали во САД, Канада, Франција, Шпанија, Германија, Албанија, Италија, Парагвај, Турција, Романија и Аргентина.

Главните улоги ги играат Сара Климоска и Филип Трајковиќ, сценариото е на Владимир Јанковски и Сузана Диневски, директори на фотографија се Димитар Попов и Дејан Димески, монтажата е на Гоце Кралевски, дизајнер на постерот е Коста Лазаревски, трејлерот е изработен од Горан Вуќиќ, тонски дизајнер е Дарко Спасовски и музиката компонирана за филмот е на Дуке Бојаџиев.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот