Maкедонскиот репрезентативец Висар Муслиу ја напушти германската Трета лига и тимот на Инглоштад, а наредната сезона ќе биде дел од Втората Бундеслига или позната како Цвајт.

Денес Муслиу потпиша договор со второлигашот Падерборн кој во изминатата сезона имаше амбиции да се пласира во најелитната германска конкуренција.

Подолго време се истакнуваше дека на Муслиу му е потребен трансфер со цел да игра во подобро првенството од третиот ранг во германскиот фудбал, па овој трансфер секако е добра вест и за селекторот Благоја Милевски.

Изминатата сезона Падеборн заврши на шестата позиција во Втората лига и во наредната повторно ќе има за цел пласман во Бундеслигата.