Крилниот напаѓач Џамал ​​Мусиала, некогаш најмладиот стрелец во историјата на Баерн, го продолжи договорот со фудбалскиот клуб од Минхен до 2030 година.

– Навистина сум среќен. Баерн е еден од најголемите клубови во светот. Тука ги направив првите чекори во професионалниот фудбал и цврсто верувам дека можеме да постигнеме нешто големо со клубот во годините што доаѓаат. Се чувствувам како дома, и во Минхен и во овој клуб со одлични навивачи – рече Мусиала кој следната недела го слави својот 22 роденден.

Баерн на договорот додаде откупна клаузула од 175 милиони евра, која секој клуб кој сака да го купи Мусиала би морал да ја плати како надомест.

Германскиот репрезентативец е роден во Штутгарт, а детството го помина во Англија и академијата на Челси, каде што помина осум години пред да се приклучи на баварскиот младински систем.

Баерн неодамна ја продолжи соработката со канадскиот лев бек Алфонсо Дејвис, а од претходно беше познато дека соработката на Мусиала со клубот која првично требаше да заврши во 2026 година ќе трае уште подолго.