Жозе Мурињо вечерва ќе дебитира на клупата на Бенфика во Лигата на шампионите, а судбината го однесе токму на старо, добро познато место, „Стемфорд бриџ“, каде [што ги помина едни од своите најдобри денови во кариерата.

И Челси и Бенфика влегуваат во овој натпревар без освоен бод по првото коло што му дава дополнителна тежина на дуелот. Мурињо сигурно ќе сака да покаже дека сè уште знае како се добиваат големи натпревари, особено против клуб што му го обележа тренерскиот подем.

Сепак, статистиката не му оди во прилог на Португалецо,  во последните седум средби со Челси не успеал да запише победа. Последен пат ги совлада „сините“ во 2018 година, кога како менаџер на Манчестер Јунајтед славеше со 2:1. Оттогаш има три реми и четири порази.

Севкупниот скор на Мурињо против Челси е четири победи, три реми и седум порази. Натпреварот меѓу Челси и Бенфика започнува вечерва во стандардниот термин од 21 часот.

Преземено од: Спорт.ком.мк