фото: EPA-EFE/ERDEM SAHIN

Мурињо го комплетираше најскапиот трансфер во историјата на Фенербахче

Мароканскиот центарфор Јусеф Ен-Несири е новото летно засилување на Фенербахче. Поранешниот играч на Севиља беше платен 20.000.000 евра, со што стана најскапиот фудбалер во историјата на турскиот клуб.

Вицешампионот на Турција и Мароканецот договорија петгодишна соработка.

Новиот тренер на „жолто-сините“ Жозе Мурињо дополнително го среди својот „мозаик“ на овој начин, а познато е дека главна цел на клубот за оваа сезона е освојување на титулата шампион на Турција, која Фенербахче ја чека веќе 11 години.

Со овој трансфер Един Џеко би можел да стане вишок во Фенербахче, со што би се доближил до пристигнување во Хајдук.

Спортскиот директор на тимот од Пољуд, Никола Калиниќ цело лето се обидуваше да го привлече Џеко во Сплит, но напаѓачот на Босна и Херцеговина тешко ќе се откаже од богатиот договор според кој би заработил 4,5 милиони евра во следната година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот