Во понеделник на свечена церемонија во главниот град на Франција, Париз, ќе биде доделена наградата за најдобар светски фудбалер „FIFA Best“.

Таа награда ќе заврши во рацете на Лионел Меси, изјави новинарот на „Мундо депортиво“ Франсеск Агилар, а во конкуренција се и Карим Бензема и Килијан Мбапе.

Да потсетиме, минатиот декември Меси со Аргентина ја освои титулата на Светското првенство во Катар, како и шампионската титула со ПСЖ во француското првенство.

Ја покори „Лига 1“ заедно со Мбапе кој со својата репрезентација беше вицешампион на СП во Катар, откако Франција во финалето загуби од Аргентина. Воедно Мбапе беше најдобар стрелец на изминатиот Мундијал со осум голови.

Актуелен сопственик на „Златната топка“ е Бензема, кој со својот клуб Реал Мадрид ги освои Лигата на шампионите, „Ла Лига“ и Светското клупско првенство.