Мундијалот во Катар заврши, а во 2026 година во САД, Мексико и Канада ќе гледаме нешто сосема различно
Заврши Светското првенство во Катар, Аргентина и Меси израдуваа милиони вљубеници во фудбалот, но светот веќе започнува да се спрема и за наредниот Мундијал кој ќе биде сосема поразличен.
Препорачано
-
1
-
2
-
3
Светското првенство во 2026 година ќе има 48 репрезентации и ќе се игра во три држави. Постоеше стравување каков ќе биде Мундијалот во Катар, но дефинитивно оваа земја го организираше турнирот на највисоко ниво. Претседателот Џани Инфантино дури го нарече и најдоброто Светско првенство во историјата.
Мундијалот во 2026 ќе биде вистински предизвик ќе гледаме натпревари во 16 градови поделени во четири временски зони. Досега учествуваа 32 репрезентации и во оваа форма се играше од 1998 година, а сега ќе не чекаат 48 селекции. Со самото тоа се зголемува и бројот на натпревари па така може да гледаме и рекордни 104 натпревари.
Моделот за следниот турнир не е воспоставен, а има три идеи. Ова го соопшти директорот на Меѓународната фудбалска федерација (ФИФА) за развој на фудбалот и поранешен менаџер на Арсенал, Арсен Венгер.
– Сѐ уште не сме одлучиле, но размислуваме што би било најдобро. Ќе има ли 16 групи со по три репрезентации, 12 со по четири или две одделни натпреварувања со шест групи по четири селекции… Победниците од тие две конкуренции би играле финале, кое би го решавало светскиот шампион. Очекувам дека конечната одлука ќе биде донесена следната година – рече Венгер
RT @GFFN: Arsène Wenger on the format of the 2026 World Cup:
“It’s not decided yet but it will be 16 groups of three, 12 groups of four or two sides of six groups of four, like if you run two tournaments of 24 teams.”https://t.co/My6xgFlrEG
— Get Football (@GetFootballEU) December 5, 2022
Се разговара и за тоа како ќе се организираат натпреварите. Големите европски клубови вршат притисок на ФИФА да не се проширува турнирот и да трае најмногу 33 дена. Решението во таков случај е шест натпревари дневно во воведната рунда.
Во Катар репрезентациите скоро и да не патуваа, сите стадиони беа прилично блиску, но со Мундијал во Канада, Мексико и САД во 2026 година тоа сигурно ќе биде далеку поразлично.
Градовите во кои ќе се играат натпреварите:
САД: Бостон, Филаделфија, Њујорк, Кансас Сити, Атланта, Далас, Мајами, Сан Франциско, Лос Анџелес, Хјустон, Сиетл.
КАНАДА: Ванкувер, Торонто
МЕКСИКО: Монтереј, Гвадалахара, Мексико Сити
