Докторот и активист од граѓанскиот сектор, Мухамед Муртези ќе биде носител на советничката листа на Вреди за скопската општина Чаир.

Мухамед Муртези е скопјанец кој студиите ги завршил на Медицинскиот факултет при Универзитетот во Приштина, додека магистерските студии на Универзитетот „Св. Кирил и Методиј“ во Скопје, на Филозофскиот факултет, насока „Европски студии за интеграција“. Од 1991 година е активен дел од граѓанското општество. Бил претседател на Сојузот на исламска младина, Здружението на албански издавачи и Центарот за разбирање и институционална соработка. Исто така, главен и одговорен уредник на едукативно-културното списание ВЕПРА и главен уредник на меѓународното научно списание CENTRUM. Коосновач и директор на Издавачката куќа „Фуркан ИСМ“.

Целта на Муртези за неговото политичко ангажирање е да даде позитивен придонес и да остави добра трага и во оваа област, соопшти коалицијата Вреди.

„Нашата визија, заедно со идниот градоначалник на Чаир, Изет Меџити, е еден поубав, почист и побезбеден Чаир. Поквалитетно образование и наука, поразвиена култура и спорт, подобар и подостоинствен живот. Затоа што жителите на Чаир го заслужуваат тоа и јас верувам дека ова е остварливо со добра волја, голема посветеност и чесна работа. Затоа ја бараме вашата поддршка на 19 октомври. За нашиот Чаир“ изјави Муртези.