Студот полека ќе попушта, но тоа ќе создаде услови за врнежи од снег во источните делови од Македонија, особено во текот на ноќта, прогнозира Управата за хидрометеоролошки работи (УХМР).

Во градовите на истокот ќе врне слаб дожд или снег, а на планините само снег. Ќе дува слаб до умерен ветер од југоисточен правец.

Во поголемиот дел од државата утре се очекува облачен ден со повремени врнежи од дожд, велат синоптичарите.

Во Скопје ќе биде претежно облачно, а во раните утрински часови во делови од котлината ќе има услови за врнежи од слаб дожд и снег.