Франческо Бањаја, возачот на „Дукати“, ја освои пол-позицијата во Асен пред неделната трка (14.00 часот) за Големата награда на Холандија.

Бањаџи ја обезбеди пол-позицијата откако имаше најбрз круг во квалификациите со време од 01:31.504 мин.

Зад него остана лидерот во Мото ГП шампионатот, бранителот на титулата светски првак со својата „Јамаха“, Фабио Квартараро, со време 01:31.620.

Од третото место ќе стартува уште еден „Дукати“, Хорхе Мартин, кој имаше време 01:31.708.

Од четвртото, односно петтото место ќе стартуваат Марко Бецеки (01:31.796) и Алеш Еспаргаро (01:31.868), а во Топ 10 се најдоа уште Џек Милер, Жоан Зарко, Мигел Оливеира, Алекс Ринс и Бред Биндер.

Моментно во генералниот пласман кај возачите после 10 трки прв е Квартараро со 172 поени, пред Еспаргаро кој има 138, трет е Зарко (111), додека Бањаја е на шестата позиција со 81 бод.