Поранешниот советник на кабинетот на украинскиот претседател, Олексиј Арестович, изјави дека Русија наводно разгледува стратегија за заземање на Одеса и Николаев „преку Молдавија“, поддржувајќи ги проруските сили таму и подготвувајќи сценарио за отворање „молдавски фронт“, објави Газета.ру.

Во објава на својот Телеграм канал, Арестович нагласи дека Кремљ не може да ја постигне својата главна цел – ослабување на Украина и зајакнување на нејзиниот југозападен блок – без да го отсече Киев од Црното Море. Според него, новите воени задачи на Русија ги вклучуваат Херсон, Николаев и Одеса.

-За да заштеди време, пари и ресурси, Русија одлучи да „пристапи одзади“ – преку Молдавија“, рече Арестович.

Тој тврди дека логиката на планот е да се отстрани претседателката Маја Санду од функцијата преку државен удар во парламентот и елиминација на проевропското мнозинство.

Во тој случај, верува Арестович, руските сили би добиле можност да спроведуваат операции од територијата на Молдавија – од акции на мали саботажни групи до поголеми рации, вклучително и акции во самата Одеса.

Арестович претходно предупреди на, како што рече, слабеењето на украинскиот фронт и потребата двете страни да направат отстапки за да се постигне траен мир.