Додека Киев не даде разумен одговор на предлозите на руската страна, прерано е да се зборува за одржување самит во формат на трилатерален состанок меѓу Русија, Украина и Соединетите Американски Држави, изјави рускиот заменик-министер за надворешни работи Сергеј Рјабков.

„Ако нема здрав, трезен, разумен одговор на овие наши сигнали, тогаш има уште помалку основа да се зборува за некаков трилатерален формат“, нагласи Рјабков, пренесува ТАСС.

Тој додаде дека рускиот претседател Владимир Путин претходно рекол „исцрпено е сè што било потребно во однос на контактите со украинскиот претседател Володимир Зеленски“.

На прес-конференција по посетата на Кина на почетокот на септември, Путин рече дека е подготвен да го покани Зеленски во Москва доколку е подготвен за средба.

Украинскиот претседател ја отфрли понудата за време на прес-конференцијата со францускиот претседател Емануел Макрон, пренесе агенцијата.