Властите во Иран ја уапсија Инстаграм-ѕвездата која се прослави по многу пластични операции со која драстично го промени својот изглед, објави агенцијата „Тасним“, а пренесе британски „Гардијан“.

Ѕвездата на социјалните мрежи позната како Сахар Табар била приведена на барање на судскиот Совет на Техеран, кој работи со „културолошки криминални дела и морална корупција“.

Таа се соочува со обвиненија за богохулие, вклучувајќи насилство, заработка на пари на несоодветен начин и охрабрување на младите да се однесуваат коруптивно, информираше иранската агенција.

Табар се прослави на Инстаграм минатата година, откако објави серија на фотографии од нејзиниот лик на кои се забележува драстичната промена на изгледот со пластични операции.

Поголемиот дел од фотографиите и видеата кои ги објавува за нејзините следачи се радикално изменети за таа да личи на холивудската ѕвезда Анџелина Џоли.

Инстаграм е единствената социјална мрежа која е дозволена во Иран. Фејсбук и Твитер, како и апликацијата за комуникација Телеграм се официјално забранети.

View this post on Instagram

A post shared by Sahar Tabar (@sahartabar_officialx) on Nov 30, 2018 at 8:32pm PST