Претседателката на ДОМ Маја Морачанин во изјава за „Слободен печат“ вели дека не разговарале со премиерот за работни групи за една изборна единица и најави дека ќе  побараат средба со Ковачевски.

-Немаме информации за работните групи кои ги најави премиерот. За нас е важно за нашиот закон, кој веќе 10 месеци е во Собранието да се отвори дебата. Местото за расправа за една изборна единица е токму во Собранието, да знаеме на што сме, дали една изборна единица е прифатлива или не. Откако предлогот ќе биде ставен на комисиска расправа, ќе се отвори и јавна расправа на која ќе бидат повикани парламентарни и вонпарламентарни партии, ОБСЕ/ОДИХР, експертите, невладините организации. Ако има работни групи, тогаш тие да бидат за нашиот предлог закон, во спротивно се ќе се разводни – смета Морачанин.