Фудбалскиот клуб Монако продолжува да привлекува внимание во летниот преоден рок, потврдувајќи ги своите високи амбиции пред новата сезона. Тимот од Кнежевството веќе донесе неколку звучни имиња, а сега е подготвен за уште едно засилување.

Иако тешко дека можат директно да парираат на моќниот Пари Сен Жермен, „црвено-белите“ сакаат да ги предизвикаат. Заедно со Олимпик Марсеј, во моментов важат за втор или трет најсилен тим во Франција, а настапот во Лигата на шампионите дополнително ги зголемува нивните амбиции.

Ова лето ги донесоа Ерик Дајер, Пол Погба, Ансу Фати и Лукаш Храдецки – сите освен искусниот словачки голман пристигнаа без обештетување. Искуството го комбинираат со младоста на таленти како Магнес Аклиуш (кого сакаат да го задржат и покрај интересот од ПСЖ), Елиес Бен Сегир и Ламин Камара.

Монако сега има интерес и за Керан Трипие од Њукасл. Тренерот на Њукасл Еди Хау не сака да го загуби важниот дел од тимот, но со оглед на тоа што Англичанецот има уште само една година од договорот, можно е продажба за симболична сума доколку не се постигне нов договор.