48-годишен жител на Скопје вчера пријавил во полиција дека неколку момчиња околу пладне сексуално ја малтретирале неговата малолетна ќерка, допирајќи ја по телото. Еден од напаѓачите и се соблекувал пред девојчето, им кажал таткото на полицајците.

„На 06.02.2025 во 14:45 часот во СВР Скопје, 48-годишен маж од Скопје пријавил дека околу 12:30 часот во автобус на ЈСП, кој сообраќал од Центар до општина Аеродром, неколку машки малолетни лица ја вознемирувале неговата малолетна ќерка и ја допирале по телото, при што едно од нив се соблекувало пред неа. Известен бил јавен обвинител за малолетници и се преземаат мерки за расчистување на случајот“, велат од полицијата.