Тинејџерот Андрија И.(17) денеска до смрт беше претепан во центарот на Лесковац, откако бил нападнат од неговиот познаник Н.А. (18).
Пријателите на убиеното момче со емотивни пораки на социјалните мрежи се простуваат од него.

Убиениот тинејџер имал многу тежок живот – тој немал татко, а мајка му го напуштила и израснал во згрижувачко семејство, пишуваат српските медиуми.

Вицепремиерот и министер за внатрешни работи на Србија Ивица Дачиќ изјави дека во Лесковац е уапсен Н.А. (18) од градот поради сомнение дека на А.И. (17) му нанел тешки телесни повреди опасни по живот, од кои повредениот млад човек починал во Општата болница во Лесковац.

– Тој е осомничен дека денеска неколку пати со тупаници и клоци по главата и телото на А.И. (17) – рече Дачиќ.

На осомничениот по надлежност на Вишото јавно обвинителство Лесковац му е одредена мерка притвор во траење до 48 часа, а со кривична пријава ќе биде изведен од надлежното обвинителство во Лесковац.

– Со Н.А. бил В.Т. (15), кој не учествувал во тепачката и е сведок – изјави Дачиќ.