Вчеравечер во Тетово било уапсено малолетно момче, откако 48-годишна жена од градот го пријавила дека ја нападнало, а малолетникот исто така ѝ се заканувал на жената со гасен пиштол. Подоцна, уште еден тетовец пријавил дека добил закани од момчето, соопшти МВР.

„На 20.04.2023 во 23.00 часот во Тетово на ул.”Благоја Тоска” од полициски службеници од СВР Тетово бил лишен од слобода малолетник од Тетово затоа што истиот ден бил пријавен од С.С.(48) од Тетово дека физички ја нападнал и и се заканувал со оружје, а нешто подоцна бил пријавен и од Д.Љ.(24) од Тетово дека и нему му се заканувал. Од малолетникот бил одземен гасен пиштол“, велат од полицијата.

По целосното документирање на случајот, ќе следи соодветна пријава.