Унгарскиот МОЛ покрена уште една меѓународна арбитража против Хрватска, наведувајќи дека хрватската влада неоправдано ја зголемила таксата за јаглеводороди од 2011 до 2015 година, што нанела финансиска штета на унгарската компанија, пишува Јутарњи лист.

Во меѓународна постапка, МОЛ сега бара од Хрватска отштета. Засега нема официјални информации за новата тужба на МОЛ против Хрватска, а единственото нешто што укажува дека е покренат нов спор е повикот за изразување интерес за застапување на Хрватска во комерцијалната арбитража на МОЛ против Хрватска, кој беше објавен во ноември.

„Поканети се адвокати и адвокатски фирми со искуство во застапување држави во меѓународни трговски арбитражи да го изразат својот интерес за застапување на Република Хрватска во случајот МОЛ Хунгеријан Оил енд Гас“, стои во поканата, пренесува Танјуг.