Протестот, односно незадоволството од органзизаторот на Светското првенство во 2022 година, Катар поради човечките права, зема замав кај европските репрезентации.
По протестот на норвешката фудбалска репрезентација, сега и еден од фаворитите за триумф, селекцијата на Германија го искажа своето незадоволство со состојбата со човечките права во Катар.
Имено, германските репрезентативци им дадоа поддршка на работниците мигранти кои ги градеа стадионите на кои идната година ќе се одржи Мундијалот, а селекторот Јоаким Лев по натпреварот против Исланд нагласи дека неговата екипа се бори за „човечките права без разлика на локацијата“.

Пред почетокот на натпреварот, гермаските фудбалери имаа црни маички на кои беше напишано „Human Rights“ (човекови права).
– Играчите се напишаа на маичките. Тоа требаше да биде наша изјава. Ние се залагаме и се бориме за човековите права, без разлика на локацијата. Тоа се нашите вредности. Тоа беше добра и важна изјава – додаде Лев.

Сличен протест имаа и норвешките фудбалери кои пред почетокот на натпреварот со Гибралтар носеа маички на кои пишување „Човекови права на теренот и надвор од него“, со што алудираа на условите во кои работат работниците мигранти на изградба на стадионите. Британските медиуми објавија дека од 2011 година досега починале повеќе од 6.500 работници.