Викендов, на Олимпискиот базен во Скопје се одржа  5. Орион куп во пливање на кој учествуваа 21 клуб од Македонија и од Косово. Пливачкиот митинг го организираше ПВК „Орион“ и истиот се одржа со строго почитување на пропишаните ковид-мерки за натпревари.

Најдобри перформанси според освоени ФИНА бодови имаа пливачите: во машка категорија – Јован Јанковски од ПВК „Орион“, Андреј Стојановски од ПК „Нептун“ и Божидар Мирчевски од ВИП „Работнички“,  а во женска категорија – Јана Милковска од „Вардар 2018“, Хана Беиќи и Ерина Идризај од „Х2О“ – Приштина.

Никола Ѓуретановиќ од пливачкиот клуб „Вардар 2018“ на овој митинг постави нов рекорд на Македонија во дисциплината 200 м мешано, со испливано време 2:22.31 во категорија постари пионери.

Во продолжение погледнете дел од атмосферата на 5. Орион куп.