Угледниот деловен весник Фајненшал тајмс денеска ја објави веста за преземањето на Бугати од страна на хрватскиот бизнисмен и иноватор Мате Римац.

„Тоа е договор кој ја цементира позицијата на Римац како етаблирана сила во автоиндустријата. Нова компанија ќе се вика Бугати Римац и ќе ја води Мате Римац, кој компанијата ја основаше во 2009 година во својата гаража и оттогаш стана еден од најбараните технолошки иноватори во индустријата“, пишува Фајненшал Тајмс.

Фактот дека Бугати ќе ја контролира специјалист за електрични автомобили е голем исчекор за Бугати, компанијата позната по своите гласни хиперавтомобили и мотори со 16 цилиндри.

Но напредокот на технологијата на батерии доведоа до постигнување на брзина која не може да ја достигнат ниту најнапредните возила на погон со мотор со внатрешно согорување, наведува ФТ наведувајќи го примерот со Невера на Римац која треба да биде најбрзиот сериски автомобил некогаш произведен, титула која дотогаш ја држеше Бугати Чирон.

Римац, како што пренесува ФТ рече дека до крајот на декадата Бугати ќе произведе целосно електричен автомобил, но дотогаш ќе се фокусира на хибридни модели.

„Можеме да имаме две паралелни, целосно различни производни линии“, рече Римац кој Бугати го спореди со швајцарските часовници, а Римац Автомобили со часовниците на Епл, наведува ФТ.

Инаку, компанијата на Римац станува мнозински сопственик на Бугати и покрај Римац Автомобили се трансформира во Римац Група поделена на две компании – Бугати Римац и Римац Технолоџи.

Набрзо по веста за преземањето, шефот на Римац и новата компанија Бугати Римац, младиот Мате Римац на Фејсбук објави фотографија на која се двете возила Невера  и Бугати Чирон. Третиот автомобил е Порше. Не напиша ништо покрај оваа моќна фотографија за новите перспективи на компанијата на чие чело ќе застане.