Митрополитот црногортско-приморски на Српската православна црква, Амфилохие рече денеска дека се надева оти новата власт во Црна Гора ќе биде единствена и дека ќе помогне „народот и земјата да залечат“ од, како што рече, „злобниот вирус од корона братоубиства и богоубиства“ што ја „труел и денеска ја труе Црна Гора“.

Амфилохие во манастирот Острог рече дека „повторно е распламтен верскиот оган“, е објавено на интернет страницата mitropolija.com.

Тој нагласи дека „светилиштата биле загрозени од наследници на оние кои се затруени со духот на братска омраза  и божја омраза и кои на основа на братска омраза ја градеа својата власт од 1941 година до 1945 година“.

Митрополитот нагласи и дека „никогаш во историјата немало пример безбожници и безбожна власт да создадат своја црква„ и тоа како што укажа „со негирање на една црква која постои од времето на апостолите, па се до времето на Свети Сава од кого, Митрополијата во ваква форма и облик постои 800 години“