Во втората епизода на овој поткаст, гостин е новинарот Љупчо Златев. Тој говори за бројни митови и феномени од нашето општество и политика, давајќи суд за некои луѓе и појави, за кои тој смета дека имаат големо и мошне негативно влијание врз развојот на македонското општество и држава.

– Веќе губам интерес за таа форма на социјален живот овде. Реално губам интерес затоа што, сега извини вака, ама ако можам јас да обезбедам карти за најдобриот концерт во Ројал Алберт хол, а не можам за во скапаницава овде, бркајте работа, што да ви кажувам? Со сила да се натурам да бидам елита во македонското општество? Извинете ама не сум до толку корумпиран да бидам елита во ова општество – вели Златев.

Златев е еден од најревносните хроничари на нашето време и актуелната состојба во нашата држава ја објаснува на следниот начин.

– Со доаѓањето на Зоран Заев на чело на СДСМ. Оттогаш наваму сè што се случува нè одесе нас 20 години назад. Јас не велам дека Никола Груевски, нели неговиот режим условно речено е добар пример за владеење. Да се разбереме. Имаше таму сериозни злоупотреби и многу луѓе беа сериозно во право за она што го говореа. Но целиот процес на деинсталација на тој режим, нас не врати назад, еве сега ќе ти кажам како. Пример ќе ја земам 2008 година. Во 2008 година Македонија беше светски лидер во досег на интернет. Да речеме, цела држава беше покриена со интернет. Замислете сме биле во дигитализацијата на општеството пред Германија, пред Австрија, примери кои ние денес можеме да ги гледаме. Помалку од 20 години подоцна, 15 години подоцна. Во 2025 година доаѓам јас кон твоето студио и доле има ЕВН таков пулт за наплата и има македонски телеком и А1. И чекаат на ред луѓе да платат сметки. Јас велам добро дали сум заостанат, што 10 години онлајн плаќам сметки за сè – додава тој.