Ситуацијата е флуидна. Имаме една огромна трансформација што се случува во Вашингтон, некои ја споредуваат со 1989 година. Епохота што почна со падот на берлинскиот ѕид, дефинитивно заврши со инаугурацијата на Трамп. Значи 3 октомври 1989 година, 20 јануари 2025 година, можеби ќе бараме внатре некои други датумчиња, но ова е крајот, вели Ивица Боцевски во најновото издание на Митови и факти.

Тој прави споредба со тоа што ни се случува денеска со случувањата од 1948 година, кого по расцепот на линијата Тито-Сталин, доаѓа до поделба на тогашната комунистичка елита. Односно ако во 1989 година било јасно дека комунизмот е пропаднат, денеска по расцепот меѓу Вашингтон и Брисел, ситуацијата е нејасна и повторно гледаме поделба во редовите на елитата.

Ивица Боцевски е докторант по Модерна историја, односно неговиот докторски труд се однесува на истражувањето на периодот на демократизација на македонското општество во периодот од 1989 до 1991 година, па токму затоа дава прецизна слика на периодот од распадот на социјалистичкиот поредок и претходната држава.