Кога се зборува за богатството во поранешна Југославија, прво ни паѓа на ум името на Јосип Броз Тито. Тој имал импресивен луксуз на располагање: од резиденции и јахтата „Галеб“ до лимузини и приватна флота од авиони. Сепак, важно е да се нагласи дека ова не беа негови приватни средства, туку државни ресурси со кои управуваше во својство на доживотен претседател.

Во социјалистичкиот систем, каде што приватниот имот беше ограничен, имаше поединци кои успеаја да стекнат значително богатство. Најбогатиот граѓанин на СФРЈ кон крајот на осумдесеттите години бил угостител од скопско, кој во 1988 година пријави приход од дури 171 милион динари. Неговото име останало непознато, но информациите за приходите биле евидентирани од Даночната управа- пишува Каматица.

Покрај него, и други приватни лица – угостители, занаетчии, па дури и музичари и професори – се високо оценети. Сепак, кога се споредува богатството, тоа може да се направи само меѓу нив, бидејќи Тито беше недопирлив.

Дури и најуспешните приватни бизнисмени на Југославија не можеле да го достигнат луксузот и привилегиите што ги уживаше Тито. Неговото богатство не беше само имот, туку моќта на државата преточена во луксуз.