Најпопуларниот јутјубер во светот, Мистер Бист (MrBeast), откри дека заработил повеќе од 250.000 долари од објавувањето на неговото видео на Икс, порано познат како Твитер, пишува Би-Би-Си.

Тој претходно изјави дека не вреди да се објавуваат неговите видеа на Икс бидејќи креаторите добивале само мала сума од приходите од рекламирањето. Сепак, по големиот пресврт минатата недела, тој објави старо видео, кое генерирало повеќе од 155 милиони прегледи.

MY FIRST X VIDEO MADE OVER $250,000! ?

But it’s a bit of a facade. Advertisers saw the attention it was getting and bought ads on my video (I think) and thus my revenue per view is prob higher than what you’d experience pic.twitter.com/nViVpZbWBb

— MrBeast (@MrBeast) January 22, 2024

Илон Маск, сопственикот на Икс, испроба различни стратегии за да го зголеми ангажманот на платформата откако ја купи во октомври 2022 година.

Тие вклучуваат споделување на приходите од реклами со креаторите од висок профил, нешто што другите сајтови, вклучително и Јутуб, веќе го прават. Но, плановите се соочија со сомнежи. Приходите од рекламирањето на Икс се намалија бидејќи се шират расправиите на Маск со огласувачите за прашања како што се говорот на омраза и дезинформациите.

Мистер Бист, чие вистинско име е Џими Доналдсон, претходно изјави дека дури и „милијарда прегледи“ нема да му вредат за да објавува видеа на Икс. Но, тој рече дека е „многу љубопитен“ и дека сака да види колку приходи од реклами може да заработи од видеото.

Тој во понеделникот рече дека големата сума изгледала „нереална“.

„Огласувачите го видоа вниманието што го добива и купија реклами на моето видео (мислам) и затоа мојот приход по преглед е [веројатно] поголем од она што би го доживеале“, напиша тој во објавата, додавајќи дека планира да избере 10 „случајни луѓе“ да ги даде парите што ги заработил.

Во ноември 2022 година, Форбс процени дека Мистер Бист заработил 54 милиони долари за една година од неговиот канал на Јутуб.

$1 Car vs $100,000,000 Car!!!

I’m curious how much ad revenue a video on X would make so I’m reuploading this to test it. Will share ad rev next week ❤️ pic.twitter.com/amSSmddFht

— MrBeast (@MrBeast) January 15, 2024

Оттогаш, тој доби милиони претплатници на неговиот главен канал, за да заработи вкупно 233 милиони. Големината на неговата публика поттикна додворување од компании кои сакаат да ги зајакнат своите платформи.

Мистер Бист, кој тврди дека неговите видеа чинат милиони долари, наводно работи на договор за шоу со огромна платформа за стриминг. Тој претходно го објави истото видео, каде што пробува автомобили со различни вреднувања, на Јутуб во септември 2023 година. Во моментов има над 215 милиони прегледи на Јутуб, каде што Мистер Бист заработува најголем дел од своите пари.