Поранешната прва дама на САД, Мишел Обама (57) започнува свое кулинарско шоу на „Netflix“, наречено „Waffles+Mochi“. Мишел воедно ќе биде и продуцент на шоуто. Шоуто ќе започне да се емитува на 16 март и ќе биде наменето првенствено за најмалите.

Мишел ќе има „вешти помагачи“ – две кукли наречени Вафлс и Мочи“.

„Ова е нешто на што работев веќе некое време, и сум толку возбудена што конечно можам да ви кажам сè. Дозволете да ви претставам моите нови пријатели: Нивните имиња се Вафлс и Мочи… Сè е во врска со добрата храна: откривање, готвење и секако, јадење. Овие двајца ќе нè водат во авантури низ целиот свет, ќе истражуваме нови состојки и ќе испробаме нови рецепти“, рече Мишел, посочувајќи дека станува збор за детско шоу во кое ќе уживаат и ќе се забавуваат и возрасните.

 

View this post on Instagram

 

A post shared by Michelle Obama (@michelleobama)

„На многу начини, ова шоу е продолжение на мојата работа како прва дама на Америка за поддршка на здравјето на децата – и да бидам искрена, посакувам да постоеше ваква програма кога моите девојчиња беа мали. Исто така, знам дека ова е тешко време за многу семејства и се надевам дека ова прекрасно шоу донесе малку светлина и смеа во домовите ширум светот“, додаде Обама.

„Со помош на пријатели, меѓу кои и сопственичката на супермаркет Мишел Обама и волшебната летачка корпа за пазарење дизајнирана како водич, главните ликови Вафлс и Мочи ќе патуваат низ светот и ќе посетуваат разни кујни, ресторани, фарми и домови, ќе подготвуваат јадења со најразлични зачини со помош на познати готвачи, деца и познати личности“, велат од „Netflix“.

Детското шоу е поврзано со здравствената кампања на Мишел, чија цел е борбата против дебелината меѓу помладите генерации. Целта е да се покренат иницијативи кои ќе им помогнат на семејствата да имаат пристап до поздрава храна како и да ја зголемат физичката активност.