Мисајловски на средба со семејствата на загинатите бранители
Министерот за одбрана Владо Мисајловски денеска се сретна со семејствата на загинатите бранители и претставници од Здружението на семејствата на загинатите припадници на македонските безбедносни сили, „Херои на Македонија 2001-2015“.
Препорачано
Како што соопштија од Министерството, за време на средбата се разговарало за прашања важни за семејствата на загинатите бранители.
– Министерот истакна дека грижата за семејствата на бранителите ќе продолжи и дека со заедничка соработка со Здружението „Херои на Македонија 2001-2015“, достојно ќе се негува и чува споменот на македонските херои, се наведува во соопштението – соопштија од Министерството.
Мисајловски истакнал дека „Она што македонските херои го оставиле за Македонија, секогаш треба да остане во срцата на сите нас“.
Мисајловски додал дека ќе се заложи за поддршка и помош на секое семејство, во рамки на законските можности.
Претседателот на здружението „Херои на Македонија“, Владо Стојановски, пак, се заблагодарил за организацијата на настанот на кој се одржала отворена дискусија за предизвиците со кои секојдневно се соочуваат семејствата, а со тоа се оддава почит на бранителите.
