Македонската фудбалска А репрезентација во еден неверојатен финиш во рамките од квалификациите за СП 2026 ремизираше против Велс 1:1 во Скопје.

Двата голови беа постигнати во судиското надополнување, најпрвин реализиравме погодок преку Миовски во 91 минута, а противникот во 96 минута, во последните секунди со погодокот на Брукс стигна до бод.

– Само што заврши натпреварот, сите сме со жешки глави, имаше премногу емоции овој натпревар, после тоа што се случи во Кочани, беше полн стадионот.

Знаевме против каква репрезентација играме, 90% од велшките фудбалери настапуваат во Премиер лигата. Добро се браневме до последна минута. Знаевме дека со борба ќе дојдеме до една шанса која ја добивме во најпосакуваниот момент. Жално е да примиш гол во последните 10 секунди, но тоа може само да ја сплоти репрезентацијата, да се издигнеме.

Благодарност до публиката што ни ја даваше поддршката, а ние како и секогаш ќе го даваме срцето на теренот – рече репрезентативецот на Македонија, Бојан Миовски.