Македонскиот репрезентативец Бојан Миовски го запиша својот прв настап за шкотскиот гигант Ренџерс и тоа веднаш во најжешкото дерби на шкотскиот фудбал, дуелот со големиот ривал Селтик кој заврши без победник, 0-0.

Откако во саботата официјално ја комплетираше позајмицата од шпанска Жирона, Миовски доби шанса од првата минута, тренерот Расел Мартин, не чекаше долго за да му укаже доверба на македонскиот голгетер. На теренот Миовски беше до 72. минута кога на негово место влезе Десерс.

Дуелот на „Ајброкс“ не донесе премногу возбудувања, Ренџерс беа поблиску до победа и во првото полувреме им беше поништен погодок поради офсајд на Сутар.

Интересен момент од дербито беше присуството на легендарниот поранешен менаџер на Манчестер јунајтед, Сер Алекс Фергусон, кој од трибините имаше можност да го види деби-настапот на Миовски во дресот на Ренџерс.

Sir Alex Ferguson watches on at Ibrox. #BBCFootball pic.twitter.com/wKV3jIOIl3

— BBC Sport Scotland (@BBCSportScot) August 31, 2025