Министерството за здравство апелира за почитување на општите препораки за заштита на населението од високи температури поради најавениот топлотен брат што ќе ја зафати Македонија.

Граѓаните да престојуваат во затворени, разладени простории, особено во периодот од 11 до 17 часот, препорачува Министерстото, како и да внесуваат доволно течности, избегнување алкохол и засладени пијалаци.

На граѓаните им се препорачува да носат лесна, светла облека и да користат заштита за глава и очи, како и да избегнуваат физичка активност во најтоплите часови од денот.

„Посветете внимание на деца, стари лица, лица со хронични заболувања и бремени жени – овие групи се особено чувствителни на високи температури, во случај на симптоми како вртоглавица, главоболка, гадење или забрзан пулс – веднаш побарајте медицинска помош, одложете активности на отворено во најтоплиот дел од денот и обезбедете микроклиматски услови (разладени простории со температура до 25 степени Целзиусови) на работното место и во домот“, препорачуваат од Министерството за здравство.

Оттаму посочуваат дека внимателно ја следат состојбата на дневна основа и дека ќе постапуваат согласно проценките и потребите.