Исплатата на платите за вработените во институциите од областа на културата во координација со Министерството за финансии е во тек и ќе заврши денеска. Истовремено, го потврдуваме ставот дека социјалниот дијалог со Синдикатот мора да продолжи“, велат од Министерството, соопшти Министерството за култура.

Како што потенцираат од Министерството, ќе испратат покана за официјална средба со претставниците на Синдикатот, со намера да се разгледаат сите отворени прашања, во духот на заемна почит и партнерство.

Културните работници на протест:„Извини Зоки, морално (ли) беше!“

-Дијалогот мора да продолжи, бидејќи само така можеме да изнајдеме долгорочни решенија за стабилноста на културните институции и достоинството на културните работници. Ние сме посветени на постигнување одржливи резултати, и тоа ќе се случи само со активен дијалог и заедничка одговорност – велат тие.

Синдикатот на културата (СКРМ) претходно одржа протестен совет пред Министерството за култура, бидејќи останаа без плата за велигденските празници.

За време на празничниот викенд, министерот Љутков им се извини на вработените во култура. Тој им порача дека проблемот настанал поради усогласување на платите меѓу сите засегнати.

На протестот присуствуваше и претседателот на Сојузот на синдикати на Македонија, Слободан Трендафилов, кој им даде поддршка на културните работници и го повика Министерството да им ја исплати мартовската плата уште денеска.

Претседателот на СОНК, Јаким Неделков ги повика директорите да не постапуваат според новите упатства од Министерството за култура и вработените да не ги прифаќаат новите решенија за пресметка на плата коишто им се доставуваат, најавувајќи дека ќе ги обжали во случај да бидат потпишани.