Пратеникот од редовите на владејачката ВМРО-ДПМНЕ, Антонио Милошоски, вечерва во гостување во дневникот на „Сител“ рече дека Владата има !!„основана доза на скептицизам“ во врска со прифаќањето на предлогот за заедничка резолуција помеѓу Македонија и Република Бугарија во Европскиот парламент.

Скептицизмот, според Милошоски, се темели на изјави дадени од страна на официјални лица на Бугарија, за кои рече дека „звучат слично како изјавите на официјалните лица на Москва за самобитноста на украинскиот народ и јазик“.

Заедничката декларација беше предлог на премиерот Христијан Мицкоски, а тој воедно побара и Бугарија, како знак на добра волја, да ги признае и спроведе пресудите на Европскиот суд за човекови права за македонското малцинство во Македонија.

„Ајде да направиме велам еден обид, а тој обид е Европскиот парламент со мнозинство гласови да донесе одлука со која што или резолуција, или ќе биде дел од извештај со која што јасно ќе се признае македонскиот идентитет и јазик како посебен“, рече Мицкоски минатата недела.