Српскиот актер Милош Биковиќ e опериран поради тешката повреда со која се здобил на крајот на минатата година.

Повреден е во Русија, каде со години работи на успешни филмски проекти.

– Биковиќ го повреди коленото. Повредата беше комплексна, сè се случи на крајот на декември. Имаше две тешки операции, едната веднаш по повредата, другата пред две недели – открил за „Блиц“ извор близок до актерот.

Биковиќ бил опериран во Русија, каде бил повреден на снимањето.

– Закрепнувањето сè уште е во тек и веројатно ќе потрае уште еден месец или два – додал изворот.

Милош се чувствува добро, а во моментот е во Белград.

– Најблиските се со него, а штом ќе се опорави, ќе продолжи со снимање во Москва – заклучил изворот.