Сопственикот на авио компанија „Вирџин Атлантик“ и милијардер, Ричард Бренсон, се обидува да ги убеди властите во Велика Британија да му одобрат финансиска помош од 500 милиони фунти за како што вели да ја преживее пандемијата од корона вирусот.

Тој апелот го испратил од својот приватен остров на Карибите каде живее изминативе 14 години. Освен до британските власти, тој истиот апел го испратил за нешто поголема сума од 700 милиони фунти и до австралиската Влада.

Ваквото барање го поддржале и шефовите на Ербас кои произведуваат млазни мотори за неговите авиони.

Тие ги предупредиле британските министри дека пропаѓањето на Бренсоновата компанија и нив би ги повлекла во пропаст.

Поранешниот британски канцелат Џон Мекдонели истакна дека е неприфатливо ваквите „богати милијардери“ да го „молзат“ системот во време на национална криза.