Милевски: Да не бидеме само 60-65 минути фокусирани против Украина
Во пресрет на утрешниот квалификациски натпревар за ЕП 2024 против Украина (15.00 часот), на „Епет“ арената, на прес конференција свои очекувања споделија селекторот Благоја Милевски и капитенот Енис Барди.
Препорачано
-
1
-
2
-
3
Селекторот на најдобрите македонски фудбалери, Благоја Милевски се надева дека неговите играчи ќе бидат фокусирани во текот на целиот меч во Прага:
– Не е потребно да се трошат зборови за квалитетот на Украина. Има играчи кои играат во топ клубовите. Од друга страна, Македонија многу пати покажа дека може да биде конкурентна со силни селекции. Ме радува нашата форма од септември и се надевам ќе ја задржиме. Утрешниот натпревар ќе биде различен од тој во Скопје. Доаѓаме во фаза двете селекции да се борат за втората позиција и само победа би ни одговарала. Очекувам отворен натпревар и допадлив фудбал. Мора да бидеме фокусирани за време на сите 90 минути, а не само 60-65 како што беше во Скопје. Имаме измени во тимовите од јуни, од тој аспект очекуваме да постои разлика од јунскиот дуел. Во составот нема да биде само Зајков, сите останати се здрави, се надевам така и ќе остане. Украинците во својот ростер има голем број на исклучително квалитетни играчи. Сметам дека нема да се почувствуваат одредени отсуства кај нив.
Капитенот на нашата А селекција, Енис Барди и неговите репрезентативни колеги се свесни за значењето на овој важен дуел:
– Украина е многу квалитетна репрезентација, има топ фудбалери. Не размислуваме за нивните отсуства, туку само за нашиот тим. Секогаш разговараме за нашите слаби страни и како да се подобриме. Зборуваме за менталитетот кој сакаме да го промениме, се консолидиравме и го надминавме јунскиот пораз. Со самото тоа што го носиме репрезентативниот дрес, значи дека ние сме најдобрите играчи во моментот, не е потребна поголема мотивација. Со Украина играме уште еден важен натпревар за нас, па сакаме позитивен резултат. Мислам дека на првиот дуел имавме пад на концентрацијата, во некои ситници кои може да се казнат. Сите ќе преземеме одговорност, знаеме колку ни значи и без притисок не може да се игра.
