Сандро Тонали е подготвен да ја напушти Бреша после тековната сезона и според италијанските медиуми Милан се вклучи во трката со Јувентус и Интер.

И покрај сите сили да ѝ помогне на Бреша да обезбеди опстанок во Серија А, каде што до прекинот на сезоната се наоѓаше на дното на табелата, 19-годишниот фудбалер со своите импресивни игри го привлече вниманието на врвните екипи.

Новиот „Андреа Пирло“ како што го нарекуваат во својата прва сезона во најсилната италијанска лига запиша пет асистенции и реализираше еден погодок, така што уште од минатата есен си обезбеди место во во италијанската репрезентација предводена од Роберто Манчини.

Има договор со Бреша до јуни 2021 година, со опција за уште една сезона, претседателот Масимо Челино, според „Калчомеркато“ бара 50 милиони евра за талентираниот играч од средниот ред, а „росонерите“ веќе контактираат со агентот на играчот,

Воедно португалската Бенфика се поврзува со Лукас Пакета, па можно е со парите од тој трансфер, наскоро да бидеме сведоци како Тонали го облекува дресот на Милан.