„Росонерите“ против Калјари пропуштија буквално „меч“ топка за да го зацементираат местото на табелата кое носи пласман во Лигата на шампионите.
Милан вечерва одигра само 0:0 против Калјари и тоа благодарение на голманот Џанлуиџи Донарума кој имаше неколку одлични интервенции. Милан со ремито остана на четвртото место на табелата со 76 бода, еден повеќе од петтопласираниот Јувентус, но во последното коло го очекува неверојатно тежок натпревар против Аталанта.

Јувентус во последното коло и гостува на Болоња, додека екипата на Наполи која моменто е третопласирана ја пречекува Верона и се наоѓа во најдобра позиција да биде една од двете преостанати екипи која покрај шампионот Интер и сигурната Аталанта, ќе игра во Лигата на шампионите следната сезона.