Српскиот фудбалер Душан Влаховиќ летово според најавите ќе го менува клубот. Се очекува да се раздели со Јувентус, но засега не е познато дали ќе замине надвор од Италија или ќе остане на Апенините. Се споменува дека Милан е заинтересиран за него, а има интерес и од Манчестер јунајтед, кој исто така би го сакал овој играч во своите редови.

Најновите вести открија и еден донекаде изненадувачки клуб кој би сакал да го доведе Душан Влаховиќ, а тоа е Фламенго. Нивниот спортски директор истакна дека Влаховиќ е играчот што им е потребен и дека едноставно имаат пари да го доведат, ако тој сака да дојде.

Малку е веројатно дека Влаховиќ ќе оди во Бразил, но би можел да се пресели во Премиер лигата, бидејќи Манчестер јунајтед се појави во трката.

Според италијанските медиуми, Јунајтед и Јувентус размислуваат за размена Душан Влаховиќ – ЏејдонСанчо, при што двете страни би биле задоволни. Исто така, Јунајтед не би имал ништо против да го купи овој играч за 25 милиони евра.

Друго прашање се однесува на Милан, кој исто така сака да го види Влаховиќ во своите редови, а се наведува и дека Душан веќе разговарал со тренерот Масимилијано Алегри и дека го убедил да дојде, но би морал да се согласи на намалување на платата од 7.000.000 евра.