Денеска во полуфиналето на Суперкупот на Италија фудбалерите на Милан триумфираа против Јувентус со резултат 2:1.

После првото полувреме на стадионот во Ријад, Саудиска Арабија, водеше клубот од Торино со голот на Јилдиз во 21 минута по асистенцијата на Мбангула.

Во вториот дел тимот од Милано направи пресврт, за израмнување се погрижи Пулишиќ кој беше прецизен од белата точка во 71 минута.

Пет минути подоцна „росонерите“ дојдоа до победата со автоголот на Гати.

Противник на Милан во финалето на 6 јануари ќе биде градскиот ривал Интер кој во четвртокот ја совлада Аталанта со 2:0.