Милан се засилува за настапите сезонава во Лигата на шампионите, денеска клубот го промовираше Алесандро Флоренци кој доаѓа на позајмица од Рома за пет милиони евра со опција за откуп наредното лето.

Италијанскиот репрезентативец кој настапува на позицијата десен бек (може да игра и како лев бек) потпиша договор со „росонерите“ кој ќе трае до 30 јуни 2022 година.

Во последните две сезони беше на позајмица во Валенсија и ПСЖ, а за римската „волчица“ одигра 227 натпревари и постигна 25 голови во Серија А.

Со италијанската селекција успеа да ја освои титулата на Европското првенство.

Official Statement: Alessandro Florenzi ➡ https://t.co/qL7PF9Jt4l

Comunicato Ufficiale: @Florenzi ➡ https://t.co/tGjlodL08U #SempreMilan #NewPlayerUnlocked pic.twitter.com/hi7MNhNGxb

— AC Milan (@acmilan) August 21, 2021

Беше дел од младинските категории на Рома, каде што дебитираше во Серија А во мај 2011 година. Во сезоната 2011/12, постигна 11 голови на 37 натпревари за Кротоне, по што се врати во Рома.

Во текот на следните осум сезони во главниот италијански град, тој одигра 278 натпревари и 28 пати се запиша во листата на стрелците. Тој се пресели во Валенсија во јануари 2019 година, а потоа во 2020/21 ги бранеше боите на ПСЖ, каде што постигна два гола на 36 натпревари и го освои Купот и Суперкупот на Франција.