Фронтменот на „Ролинг стоунс“, Мик Џегер (79), се вери со својата девојка Мелани Хемрик (36), како што пренесува „Дејли мејл“.

Уште минатата недела Мелани била видена со голем прстен на раката, а иако тврдела дека станува збор за прстен за ветување, нејзините пријатели сега потврдија дека музичарот и балерината се свршиле.

Мелани ја споделила среќната вест со нив на патување во Њујорк.

– Мелани беше во Американскиот балетски театар и им соопшти на пријателите дека е свршена со Мик. Таа беше многу јасна дека тоа е свршенички прстен и дека таа сега е негова свршеница. Нејзиното семејство знае дека се верени и се пресреќни. Немаат планови за свадба, но свршувачката ѝ значи многу на Мелани, така таа вели. Сите нејзини пријатели се среќни поради неа – изјавил извор за „Мирор“.

Мик и Мелани заедно дошле на отворањето на сезоната на Американскиот балетски театар каде многумина го забележале нејзиниот дијамантски прстен.

Двојката се запозна во 2014 година, на концертот на Џегер во Токио. Пред пред шест години го добија синот Деверу. Мик има уште седум деца со пет различни жени, како и пет внуци и една правнука.

Претходно извор за американските медиуми откри детали од нивната врска.

– Мик целосно се промени. Претходно често менуваше девојки. Меѓутоа, Мелани и Деверу одат на турнеја со него, па семејството е секогаш заедно. Тоа го прави среќен – рекол тој.

ФОТО | Мик Џегер го прослави 79-тиот роденден: Пејачот ужива покрај 44 години помладата партнерка