Предраг Мијатовиќ е нов член на управата на белградскиот гигант Партизан, потврдено е денеска на клупското Собрание.

Прославениот црногорски напаѓач по 31 година се враќа во клубот кој го лансираше помеѓу ѕвездите. Мијатовиќ своевремено беше и спортски директор на Реал Мадрид, а сега таа функција ќе ја извршува и во српскиот гигант.

Во Партизан тој доаѓа во период кога тимот е во резултатска и финансиска криза. Клубот наводно е во минус поголем од 60 милиони евра.

„Едвај го убедив. Размислуваше на крајот прифати: Партизан е во прашање, сега е моментот“, изјави привремениот претседател на клубот, Расим Љајиќ.

Мијатовиќ нема да се врати во Србија, туку за Партизан ќе работи од Шпанија.