Христијан Мицкоски, во улога на пратеник во Собранието на Македонија, во Антикорупциска комисија пријавил два рачни часовници кои ги поседува од 2015 и од 2016 година а кои вкупно вредат 52.100 евра. Овие податоци се објавени на страницата на Државната комисија за спречување корупција.

Не е наведено за каков вид на часовници се работи, односно не се наведуваат брендовите, но наведено е дека првиот стекнат во 2015 година вреди 13.400 евра, а вториот рачен часовник кој е стекнат во 2016 година вреди 38.700 евра.

Друг имот кој Мицкоски го пријавил во задолжителниот анкетен лист до антикорупционерите е и куќа од 343 квадратни метри вредна 437 илјади евра во скопската населба Влае која ја стекнал во 2014 година. Премиерот пријавил и уметнички слики вредни 10 илјади евра. Наведено е дека има и потрошувачки кредит од 406,546 денари.