Премиерот Христијан Мицкоски одговарајќи на новинарско прашање вели дека институциите си ја работат работата, доставуваат пријави до Обвинителство, но оттаму нема никакви резултати во борбата со криминалот и корупцијата.

„Институциите преземаат мерки, дејствуваат, но треба Обвинителството да преземе мерки. Тоа е суштината. Не може да се очекува резултати од ова Обвинителство од овој обвинител резултати во борбата со криминалот и корупцијата. Може да набројам 100-200 пријави од страна на институциите коишто се доставени до Обвинителството а од таму нема никаков резултат. Со овие Обвинители и овој Обвинител, тешко“, изјави Мицкоски од Охридско каде изврши увид на градежните работи на патот Кичево-Охрид.