Премиерот Христијан Мицкоски заедно со министерот за одбрана Владо Мисајловски, министерот за надворешни работи и трговија Тимчо Муцунски, како и министерот за внатрешни работи Панче Тошковски се во официјалната посета на САД, каде ќе бидат дел од одбележувањето на 75 години од основањето на НАТО, а ќе остварат и повеќе средби со државници, но и со бизнисмени, како и со нашинци од дијаспората.

Мицкоски денеска се сретна со Мето Коловски и Обединетата македонска дијаспора со кои разговаравме за поддршка и лобирање за македонските интереси.

Тој вчера информираше дека во рамки на Самитот ќе биде најавена и нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.

– Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од одбележувањето на 75 години од НАТО, ќе остваруваме средби со државници, но и со бизнисмени и со дијаспората, а ќе најавиме и нова инвестиција – најави Мицкоски во видеообраќање.

Последните денови од престојот во Њујорк ќе ги искористи да се сретне со македонската дијаспора за да ги слушне нивните очекувања од новата Влада.

-Би сакал од нив да слушнам што е она што го очекуваат од новата Влада и што можеме ние да понудиме за да се вратат дома и тука да инвестираат – заклучи Мицкоски.

Јакнење на билатералните односи со САД и афирмирање на земјава како стабилен партнер- цел на владината делегација на самитот на НАТО